ജീവിതം സന്തോഷപൂർണ്ണമാക്കുവാനുള്ള വ്യഗ്രതയിലാണ് നാം. എന്നാൽ നാം ആഗ്രഹിക്കുന്ന യഥാർത്ഥ ഹൃദയാനന്ദം ഒരു മരീചിക പോലെ അകന്നകന്ന് പോകുന്നു. സുഖ സൗകര്യങ്ങൾ വർദ്ധിപ്പിച്ചിട്ടും, വസ്തുവകകളും സ്ഥാനമാനങ്ങളും വെട്ടിപ്പിടിച്ചിട്ടും എന്തേ മനുഷ്യർക്ക് യഥാർത്ഥ സന്തോഷം അനുഭവിക്കാൻ കഴിയുന്നില്ല? യഥാർത്ഥവും ശാശ്വതവുമായ സന്തോഷം എങ്ങനെ നേടാം എന്ന് ബ്രദർ ജോർജ്ജ് തോമസ് നമ്മോട് വിശദീകരിക്കുന്നു.
വേദനയുടെയും നിരാശയുടെയും മദ്ധ്യേ എന്നും ആഘോഷമായി ജീവിക്കാൻ സാധിക്കുമോ? വേദനയും നിരാശയും ഇല്ലാത്ത ആരും തന്നെ ഈ ഭൂമിയിൽ ഇല്ല. എന്നാൽ, എന്നും ആഘോഷത്തോടെ ജീവിക്കാൻ ആണ് നാം എല്ലാവരും ആഗ്രഹിക്കുന്നത്. വേദനയുടെയും നിരാശയുടെയും മദ്ധ്യേ എന്നും ആഘോഷമായി ജീവിക്കാൻ സാധിക്കുമോ? കർത്താവായ യേശുവിനെ കാണേണ്ടതുപോലെ കാണുവാൻ കഴിഞ്ഞാൽ, അതായത്, യേശുവിനെ വ്യക്തിപരമായി അറിയുകയും അവന്റെ മരണ പുനരുദ്ധാനങ്ങളിൽ വിശ്വസിച്ച് പാപമോചനം നേടുകയും ചെയ്യുമ്പോൾ നമ്മുടെ മുഖവും തെളിയും. നമ്മുടെ നിരാശയും, സങ്കടവും, പ്രയാസങ്ങളും മാറും. പ്രതീക്ഷയുടേയും,…